Assassin's Creed: Brotherhood ја продолжува приказната за Езио Аудиторе со нов, динамичен стил. Неговиот животен пат продолжува на истото место каде што застанува во претходното продолжение, собата во Ватикан каде пред очите на Езио се појавува божицата Минерва. Во овој дел, тој се враќа во Рим, каде и се одвива дејството во оваа игра. Додека во претходната игра Езио ја накачуваше својата репутација во ранковите на платените убијци, тој сега се наоѓа на највисокиот ранк - Master Assassin, па затоа приказната ќе биде околу неговото лидерство.

Задачата на Езио во Рим е да ги елиминира темпларите кои прават штети во општеството. Се разбира, тука се и традиционалните мисии во кој херојот ги спасува невините граѓани. Играта ќе изобилува со доста голем број на мисии, со оглед на фактот дека светот (односно градот Рим) во оваа игра е повеќе од 3 пати поголем одколку во претходните две игри.

 Како и да е, UBISOFT сигурно не би дозволил да изработи ново продолжение на некоја негова игра со само мали измени во гејмплејот и приказната. Ова продолжение на Assassin's Creed ќе биде првото кое ќе може да се игра во multi-player мод. Компанијата тврди дека ова се должи на зголемениот интерес на фановите за споделување на нивното искуство во оваа игра со нивните пријатели преку интернет.

Multi-player модот ќе развива посебна приказна за Езио од single-player кампањата, која сеуште не е детално најавена на саемот. Гејмплејот тука ќе изгледа како deathmatch мод, во кој секој играч ќе си има своја мета (еден од другите гејмери), а и самиот тој ќе биде нечија мета. Сепак градот ќе биде полн со луѓе и овие убиства треба да се случат без приметување на неговите жители, со цел гејмерот да добие повеќе поени.

Со индивидуалните поени гејмерите ќе можат да купуваат нови моќи и ќе можат да го подобруваат нивниот карактер во играта. На тој начин, тие ќе бидат уште повеќе „заразени“ од треската на оваа игра.

Играта излегува во продажба на 16 Ноември, 2010, и ќе биде достапна на платформите PC, PS3 и XBOX 360.

Коментари (13)